Sa aking pag-iisa ikaw ang siyang hanap
Araw at gabi, ikaw lang ang hinahangad
Walang inaasam kundi ang ika'y mayakap
Damhin yaring init ng malamig kong palad.
Ikaw ang pumawi sa aking kalungkutan
Ikaw ang sumariwa sa kahapong nagdaan
Ikaw ang nagdala mabigat kong karamdaman
Nagbigay paraan upang mithii'y kamtan.
Samo't saring imahen, nasok sa isipan
Hindi mabilang, hindi mailarawan
Sa aking pagakatisod ikaw ang umalalay
Kumunoy nang kasawian, ikaw ang gumabay.
Langit na maaliwalas sa aking pagtingala
Mapagpalang Diyos, siyang aking nakita
Biglang nanumbalik ang aking pagtiwala
Sa mahabaging Diyos, tunay na nagpala.
No comments:
Post a Comment