Tagas ng masidhing kalungkutan
Nasok sa pagkatao ninuman,
Tanging kawalan ang kanyang dulot
Hirap na sa bait humahablot
Pasakit ba ng 'sang minamahal?
O dulot marahil ng Maykapal?
Tulirang kaisipan, 'di alam.
Nangangamanhid mga pandamdam.
Katawa'y sadyang nanlalambot.
Laman ay namimitig sa poot,
Sikmurang walang lama'y manhapdi,
Dahil sa pag-ibig ay di saksi.
Mula sa magulo na damdamin,
Mahinang bumulalas sa hangin:
"Nilalang! Sa kamunduha'y sakim.
Karanasa'y nakakarimarim."
Iba'y di pansin ang pagdurusa,
Isinasaing tabi sa diwa.
Masakit mang tanggapi't isipin,
Hinagpis ay hindi nais dinggin.
Datapwat ninais ilabas,
Bahala na kung ano ang labas.
Sa ngayon, lakas ay nililikom,
Upang sabihin na ako'y gutom.
